Жыхары Мікалаева абараняюць гарадскую раду ад ваяўнікоў (Відэа)
9- 25.04.2014, 19:21
- 16,978
Дружыннікі ўзялі пад ахову гарраду ў Мікалаеве
Сёння, 25 красавіка, антыўкраінскія мітынгоўцы спрабавалі гвалтам патрапіць у Мікалаеўскую гарадскую раду, каб выставіць свае патрабаванні дэпутатам.
Пра гэта паведамляе ТСН.
Ад гарадскіх дэпутатаў запатрабавалі зварот да Вярхоўнай Рады з нагоды расейскай мовы, рэферэндуму, раззбраення самаабароны і галоўнае - прыбраць з межаў горада блок-пасты. Каму ўмацаванні перашкаджаюць - натоўп растлумачыць не здолеў.
Пакуль пікетоўцы спрабавалі трапіць у мэрыю, да будынку падышлі актывісты Народнага рушэння: ад штурму будынак абаранялі жывым шчытом больш за сто маладых мужчын.
"Мы проста ахоўвалі парадак у нашым горадзе, каб не было такога, як у Луганску", - кажуць самаабаронцы і прызнаюцца, што такую атаку адбіваюць ужо другім разам.
Дэпутаты разглядаць прапанаваныя прыхільнікамі сэпаратызму пытанні сёння не сталі. А здымаць блок-пасты не мерацца, бо прапускныя пункты стваралі дзеля спакою ў месце. Сілавікі іх прыбяруць, калі сітуацыя ў краіне стабілізуецца.