Украіна адклікае свайго прадстаўніка ў СНД
6- 25.04.2014, 21:09
- 12,662
Украіна адклікае свайго сталага прадстаўніка ў СНД Івана Бунечку.
Пра гэта сталы прадстаўнік паведаміў РІА Новости.
Са слоў Бунечкі, выконваць абавязкі сталага прадстаўніка пакуль будзе ягоны дарадца. Дыпламат дадаў, што ў Вярхоўнай радзе ёсць праект пастановы аб ліквідацыі сталага прадстаўніцтва Украіны ў СНД.
Пра тое, што Украіна мае намер спыніць сваё сяброўства ў арганізацыі, яшчэ ў сакавіку заявіў кіраўнік Рады нацыянальнай бяспекі краіны Андрэй Парубій. Тады ж в.а. кіраўніка МЗС Андрэй Дзешчыца абвінаваціў СНД у "няздольнасці служыць інструментам развязання канфліктаў".
19 сакавіка Украіна абвясціла аб адмове ад старшынства ў арганізацыі.