Таксістаў і санаторыі абавяжуць мець тэрміналы для безнаяўных разлікаў
5- 27.04.2014, 13:43
- 6,833
Праект пастановы, які пашырае пералік аб'ектаў, у якіх абавязковая ўстаноўка аплатных тэрміналаў для разлікаў карткамі, падрыхтаваны Нацбанкам.
Як паведамілі БелаПАН ва ўпраўленні інфармацыі Нацбанка, гаворка ідзе пра ўключэнне і ў гэты пералік санаторыяў, дамоў адпачынку, аздараўленчых цэнтраў, таксі, дыягнастычных станцый па аглядзе транспартных сродкаў. Паводле дадзеных Нацбанка, у Беларусі колькасць банкаўскіх плацежных картак, якія знаходзяцца ў звароце, паводле стану на 1 студзень 2014 года склала 11 млн 805 тыс. У тым ліку 5 млн 279 тыс картак аплатнай сістэмы «Белкарт», 6 млн 526 тыс - Міжнародных плацежных сістэм. У Беларусі ўстаноўлена 3586 інфакіёскаў, 4088 банкаматаў, 80 імпрынтараў, 49539 арганізацый гандлю (сэрвісу) абсталяванае 73627 аплатнымі тэрміналамі.