Пад Чарнігавам застрэлілі міліцыянта
9- 27.04.2014, 14:53
- 12,924
У Талалаеўцы Чарнігаўскай вобласці падчас затрымання збройнага правапарушальніка ад агнястрэльнага ранення загінуў старэйшы следчы Талалаеўскага РА.
Пра гэта паведамляе прэс-служба МУС Украіны.
Паводле паведамлення, раніцай 27 красавіка ў дзяжурную частку Талалаеўскага райаддзела ўнутраных спраў паступіла паведамленне, што па вуліцы райцэнтра ходзіць узброены паляўнічай стрэльбай мужчына і пагражае грамадзянам.
На месца здарэння неадкладна выехала экіпіяваная і ўзброеная следча-аператыўная група. На вуліцы Заводскай праваахоўнікі ўбачылі збройнага мясцовага жыхара. Але калі праваахоўнікі паспрабавалі наблізіцца да яго і пагутарыць, той адкрыў агонь на паразу, зрабіўшы два стрэлы ў бок следчага.
У выніку старшы следчы Талалаеўскага РА УМВД старэйшы лейтэнант міліцыі Юрый Вашчанка атрымаў смяротнае раненне грудной клеткі (міліцыянт быў у бронекамізэльцы). Зваліўшыся, следчы паспеў прымяніць табельную агнястрэльную зброю на паразу і застрэліў нападніка.
Міліцыянт быў дастаўлены ў бальніцу, але ад атрыманых цяжкіх раненняў сканаў.
Для высвятлення ўсіх абставінаў здарэння на месца прыбыла следча-аператыўная група УМВД ў Чарнігаўскай вобласці на чале з кіраўніцтвам Упраўлення, працуюць эксперты, інспекцыя па асабістаму складу, кіраўніцтва райаддзела, пракуратура.
У загінулага міліцыянта засталася жонка і двое малалетніх дзяцей.