Беларус Кулакоў пакідае ніжагародскае «Тарпеда»
1- 30.04.2014, 16:11
- 5,051
Беларускі форвард сыходзіць з расейскага хакейнага клуба з-за заканчэння тэрміну кантракта.
Пра гэта гаворыцца ў паведамленні на афіцыйным сайце ніжагародскага «Тарпеда».
«30 красавіка мінаюць тэрміны кантрактаў у шэрагу гульцоў хакейнага клуба. У сувязі з гэтым, ніжагародскую каманду пакідаюць Рыгор Мішчанка, Крыс Каланас, Раман Людучын, Яўген Скачкоў, Дзяніс Паршын і Аляксандр Кулакоў», - гаворыцца ў паведамленні.
Клуб падзякаваў хакеістам за гульню ў складзе каманды і пажадаў поспехаў у далейшай кар'еры.
Гулец зборнай Беларусі Аляксандр Кулакоў працягнуў кар'еру ў ніжагародскім «Тарпеда» ў траўні мінулага года. Да гэтага ён выступаў за менскае «Дынама».