Бронетэхніка і верталёты Расеі перамяшчаюцца ля мяжы Украіны
3- 30.04.2014, 16:37
- 10,960
Памежнікі адсочваюць рух ваеннай тэхнікі і верталётаў РФ.
Паводле інфармацыі Дзяржаўнай памежнай службы, паблізу дзяржаўнай мяжы заўважаныя перамяшчэнні расейскай бронетэхнікі, а верталёты адстрэльваюць цеплавыя ракеты. Пра гэта паведамляюць у антытэрарыстычным цэнтры СБУ, у сераду, 30 красавіка, піша «Корреспондент».
«На працягу 28 і 29 красавіка працягваліся вучэнні падраздзяленняў УС РФ каля мяжы, назіралася перасоўванне авіяцыі і тэхнікі. У зоне візуальнай бачнасці памежнікі адсочвалі рух ваенных верталётаў, якія ажыццяўлялі адстрэл цеплавых ракет, перасоўванне ваенных аўтамабіляў і бранятанкавай тэхнікі», - адзначылі ў АТЦ.
Па дадзеных цэнтра абстаноўка на дзяржаўнай мяжы застаецца стабільна складанай.
«Памежнікі працягваюць актыўныя дзеянні па ўсебаковаму забеспячэнню кантраляванай сітуацыі на мяжы», - дадалі ў АТЦ.
Нагадаем, 24 красавіка міністр абароны Расеі Сяргей Шайгу заявіў, што з-за абвастрэння сітуацыі на паўднёвым усходзе Украіны пачаліся вучэнні расейскіх войскаў у Растоўскай вобласці каля мяжы Украіны. Але 28 красавіка вучэнні згарнулі, вайскоўцы вярнуліся ў месцы пастаяннай дыслакацыі.