Памёр актор Боб Хоскінс
5- 30.04.2014, 18:22
- 46,386
Брытанскі актор Боб Хоскінс памёр ва ўзросце 71 года.
Пра гэта ў сераду, 30 красавіка, паведамляе BBC. Cа слоў ягонага агента, смерць наступіла мінулай ноччу ў выніку наступстваў пнеўманіі.
У 2012 годзе брытанскі актор абвясціў аб заканчэнні акторскай кар'еры ў сувязі з хваробай Паркінсона, дыягнаставанай у яго годам раней.
Боб Хоскінс пачаў здымацца ў 1970-х гадах. Найбольшую вядомасць ён набыў дзякуючы ролям у фільмах «Хто падставіў пад абух труса Роджэра» (Who Framed Roger Rabbit) і «Мона Ліза» (Mona Lisa), за якую атрымаў «Залаты Глобус», BAFTA і «Залатую пальмавую галінку» Канскага фестывалю, а таксама быў намінаваны на Оскар. За сваю кар'еру Хоскінс зняўся больш чым у 50 стужках і праславіўся, у першую чаргу, дзякуючы ролям кокні, псіхапатаў і гангстэраў.