Невядомыя ўчынілі бойку ля будынка Кабінета міністраў Украіны (Відэа)
4- 30.04.2014, 19:04
- 23,547
На першым паверсе будынка ўрада выбітыя шыбы.
Каля будынка Кабінета Міністра адбылася бойка паміж невядомымі, якія прыйшлі ў нецвярозым стане, і прадстаўнікамі Нацгвардыі, паведамляе Громадське ТБ.
Цяпер на месцы знаходзяцца самаабаронцы, якія называюць сябе 4-й казацкай сотняй і запэўніваюць, што прыйшлі падтрымаць студэнтаў, якія кантактавалі з міністрам адукацыі Сяргеем Квітам. Пакуль міністр не выходзіў да студэнтаў, сотнікі спрабавалі штурмаваць будынак. Таму ўзнікла бойка з Нацгвардыяй, адзначаецца ў паведамленні.
На першым паверсе Кабінета Міністраў выбітыя шыбы. Самаабаронцы сцвярджаюць, што шыбіны разбілі не яны, а «самаабвешчаныя чорныя сотнікі-правакатары», якія наладзілі аплачаную акцыю.
У Марыінскім парку непадалёк сабраліся невядомыя маладзёны спартовага целаскладу, падкрэслілі ў паведамленні.
Нагадаем, учора ў цэнтры Кіева таксама адбылася вялікая бойка з ужываннем стралковай зброі. Некалькі чалавек атрымалі раны.