30 баевікоў захапілі і абрабавалі банк у Данецку
11- 30.04.2014, 20:16
- 18,516
У Данецку блізу 30 узброеных тэрарыстаў абрабавалі банк.
Двое супрацоўнікаў банка былі захопленыя ў закладнікі. Дзякуючы прафесійным дзеянням групы хуткага рэагавання, у склад якой увайшлі супрацоўнікі міліцыі і вайскоўцы Нацгвардыі, было затрымана 7 чальцоў банды, паведамляе прэс-служба МУС.
У іх канфіскавана 2 аўтаматы Калашнікава, карабін і 2 пісталеты. Вядуцца пошукі астатніх зламыснікаў.
Нагадаем, шэраг адміністрацыйных будынкаў у Данецку ўжо захопленыя сепаратыстамі і расейскімі дыверсантамі. Сярод іх - райсаветы горада і абласная тэлекампанія.
29 красавіка яны захапілі ключавыя адміністрацыйныя будынкі ў Луганску - самым усходнім абласным цэнтры Украіны. Штурм праходзіў з выкарыстаннем агнястрэльнай зброі. Пад кантролем захопнікаў - абласная адміністрацыя, пракуратура, СБУ, МУС і тэлерадыёцэнтр горада.