На Allegro выстаўленыя фота дыктатара Хорці ў Белавежскай пушчы
- 1.05.2014, 12:55
- 10,003
Кіраўнік Венгрыі наведваў Польшчу ў 1938 годзе.
На аўкцыёне Allegro выстаўленыя на продаж здымкі міжваеннага палявання з Белавежскай пушчы.
21 здымак зроблены ў 1938 годзе падчас візіту ў Польшчу венгерскага рэгента і адмірала Міклаша Хорці (Miklós Horthy), піша «Наша Нiва». На фота таксама можна ўбачыць польскага прэзідэнта Масціцкага, міністра Бека, венгерскага амбасадара ў Польшчы. Вядома, што ў тым паляванні браў удзел польскі маршал Рыдз-Сьміглы. Палітыкі фатаграфуюцца разам з забітымі рысямі, свіннямі і іншымі жывёламі.
Здымкі фарматам 18 на 13 сантыметраў былі выкананыя вядомым даваенным фатографам Вітольдам Піклам. Некаторыя здымкі падпісаныя і маюць пячатку.
Старт аўкцыёну пачынаецца ад 999 злотых (прыкладна 333 даляра ЗША).