Людміла Пуціна ўпершыню пасля разводу з'явілася на публіцы

Экс-жонка прэзідэнта Расеі ўзяла ўдзел ва ўручэнні Горкаўскай літаратурнай прэміі.

Людміла Пуціна вельмі рэдка з'яўляецца на публіцы. Пасля аб'явы аб разводзе яна і зусім апынулася па-за дасяжнасцю прэсы. Аднак ёсць у былой першай лэдзі традыцыі, якія яна не дазваляе парушаць. На днях яна пабывала на цырымоніі ўручэння Горкаўскай літаратурнай прэміі, піша kleo.ru.

Прысутнасць на ўручэнні літаратурнай прэміі стала для Людмілы Аляксандраўны своеасаблівай традыцыяй. Так, у канцы сакавіка мінулага года ўпершыню за год яна з'явілася на публічным мерапрыемстве, узяўшы ўдзел ва ўзнагароджанні лаўрэатаў Горкаўскай літаратурнай прэміі ў Маскве.

Гэты год не стаў выключэннем. Цырымонія адбылася 29 красавіка, і Людміла Аляксандраўна выступіла ў пачатку ўрачыстага вечара з прамовай аб літаратурных традыцыях і месцы Максіма Горкага ў гісторыі Расеі.

«Горкі валодаў добрым літаратурным густам і нюхам на новае, і ва ўсіх сваіх шматлікіх пачынаннях ён вылучаў наперад яркія літаратурныя імёны. Па сутнасці, новае пакаленне савецкай літаратуры - гэта было пакаленне, выхаванае Горкім, - падкрэсліла Пуціна. - Захоўваючы і ўмацоўваючы традыцыі, якія склаліся, хацелася б, каб Горкаўская прэмія стала адной з вядучых у сучаснай рускай літаратуры». Яна таксама павіншавала лаўрэатаў прэміі, пажадала ім поспехаў у далейшай творчай дзейнасці.

Нагадаем, пра рашэнне скасаваць шлюб Пуцін афіцыйна паведамілі ў чэрвені мінулага года. 1 красавіка 2014 года прэс-сакратар кіраўніка дзяржавы Дзмітрый Пяскоў пацвердзіў, што развод адбыўся.

Фота: kleo.ru