Фотафакт: таталітарны хакей

Менскія дызайнеры нагадалі пра палітвязняў у Беларусі.

Сацыяльны праект Юліі Ляшкевіч, Стаса Карпава і іншых валанцёраў, накіраваны на распаўсюджванне інфармацыі аб палітычных рэпрэсіях у Беларусі, паведамляе «Радыё Свабода».

Плакаты павінны нагадаць менчукам і гасцям краіны падчас чэмпіянату, што ў краіне да гэтага часу за кратамі некалькі дзясяткаў палітвязняў.

Аўтары праекта прапануюць далучыцца да яго кожнаму, паставіўшы выбраную карцінку ў сацыяльныя сетцы, дадаўшы набор хэштэгамі #minsk2014, #минск2014, #минск2014, #worldcup2014, #hockey2014, #хоккей2014, #belarus2014, #icehockey2014.

У Беларусі за кратамі знаходзяцца арыштаваныя на працяглыя тэрміны былы кандыдат у прэзідэнты Мікалай Статкевіч, віцэ-прэзідэнт Міжнароднай федэрацыі правоў чалавека Алесь Бяляцкі і яшчэ сем палітвязняў. Акрамя таго, на працягу апошніх двух тыдняў супрацоўнікамі міліцыі былі затрыманыя больш за 20 актывістаў апазіцыі. Праваабаронцы звязваюць арышты з правядзеннем чэмпіянату свету па хакеі ў Менску.