Ва Украіну спрабавалі завезці прыладу для стральбы па верталётах

На тэрыторыю Украіны 9 траўня спрабавалі правезці прыладу для кіравання ракетна-артылерыйскім агнём, наркотыкі і вайсковую амуніцыю

Пра гэта паведамляе Дзяржаўная памежная служба краіны.

Учора памежнікі Харкаўскага атрада на ўчастку «зялёнай» мяжы аддзела «Ваўчанск» перашкодзілі перамяшчэнню праз мяжу блока кіравання для стральбы па паветраных аб’ектах, піша «Карэспандэнт».

Яго 38-гадовы ўкраінец, жыхар горада Ваўчанск, вёз ва Украіну з Расеі.

Інфармацыю аб намерах нашага суайчынніка праваахоўнікі атрымалі загадзя ад аператыўных крыніц і затрымалі яго адразу пасля перасячэння мяжы ў 5 метрах ад дзяржаўнай мяжы. У гэты час з затрыманым грамадзянінам праводзяцца адпаведныя адміністрацыйна-працэсуальныя дзеянні. Высвятляюцца ўсе абставіны паводле справы.

У гэты ж дзень на ўчастку адказнасці аддзела памежнай службы «Дубравіца» Луцкага атрада ў 5 метрах ад дзяржаўнай мяжы ахоўнікі мяжы затрымалі грамадзяніна Расеі. Мужчына спрабаваў перасячы мяжу па-за пунктам пропуску, пры гэтым падчас агляду, у яго выявілі нож, прывязаны да нагі і даведку аб вызваленні з месцаў пазбаўлення волі.

Іншым правапарушэннем стала выяўленне ў паштовых перапраўках на мацерыковую частку Украіны тавараў вайсковага прызначэння і іншых неабходных прадметаў, якія, магчыма, былі прызначаныя для забеспячэння радыкальна настроеных грамадзян на тэрыторыі Украіны. Незаконную ўгоду выявілі памежнікі Азова-Чарнаморскага рэгіянальнага кіравання ва ўзаемадзеянні з прадстаўнікамі мытні. У прыватнасці, у 2-х аўтамабілях аднаго з аператараў паштовых перавозак праваахоўнікі знайшлі паўкілаграма рэчывы расліннага паходжання, 2 сцягі так званай «Данецкай народнай рэспублікі», бронекамізэльку, электрашокер і 4 траўматычныя пісталеты. У аўто іншага аператара ахоўнікі мяжы знайшлі 100 плашч-накідак вайсковага ўзору. Супрацоўнікамі мытні гэта маёмасць канфіскавана з паштовых адпраўленняў.