Звольнены кіраўнік Луганскай абладміністрацыі

Выконваць абавязкі кіраўніка аблдзяржадміністрацыі будзе былая першая намесніца старшыні.

Выконваючы абавязкі прэзідэнта Украіны Аляксандр Турчынаў звольніў з пасады кіраўніка Луганскай абласной дзяржаўнай адміністрацыі Міхаіла Балоцкіх. Адпаведны ўказ абнародаваны на сайце выконваючага абавязкі прэзідэнта.

Балоцкіх быў прызначаны кіраўніком Луганскай абласной дзяржадміністрацыі 2 сакавіка гэтага года. Да гэтага ўзначальваў Дзяржаўную службу па надзвычайных абставінах.

Замест Балоцкіх часова выконваючай абавязкі кіраўніка АДА прызначаная першая намесніца старшыні Луганскай абласной дзяржаўнай адміністрацыі Ірына Верыгіна.

Адпаведны ўказ падпісаны Турчынавым.