Актывістку апазіцыі затрымалі за плакат «Не пуцінскай вайне з Украінай»
9- 10.05.2014, 14:32
- 29,241
Месцазнаходжанне затрыманай Наталлі Бордак невядома.
У Менску 9 траўня за антываенную акцыю была затрыманая актывістка аргкамітэта ў стварэнні партыі «Беларуская хрысціянская дэмакратыя» з Нясвіжа. Пра сваё затрыманне Наталля Бордак паведаміла ў SMS-паведамленні знаёмаму Аляксандру Язвінскаму. «Я ў пастарунку за плакат «Не пуцінскай вайне з Украінай», - напісала яна.
Тэлефон Бордак не адказвае, яе месцазнаходжанне невядома. Язвінскі мяркуе, што актывістка застанецца пад вартай да панядзелка, калі яе, магчыма, чакае суд, паведамляе БелаПАН.
У Беларусі за кратамі знаходзяцца дзевяць арыштаваных на працяглыя тэрміны палітвязняў, у тым ліку, былы кандыдат у прэзідэнты Мікалай Статкевіч і віцэ-прэзідэнт Міжнароднай федэрацыі правоў чалавека Алесь Бяляцкі. Акрамя таго, на працягу апошніх двух тыдняў супрацоўнікамі міліцыі былі затрыманыя каля 30 актывістаў апазіцыі. Праваабаронцы звязваюць арышты з правядзеннем чэмпіянату свету па хакеі ў Менску.