Міністры абароны НАТА абмяркуюць абарону Усходняй Еўропы
1- 10.05.2014, 15:12
- 4,191
Сустрэча міністраў абароны краін НАТА адбудзецца ў Брусэлі 3-4 чэрвеня.
Яе галоўнымі тэмамі стануць вывад войскаў з Афганістана і ўзмацненне ваеннай прысутнасці ва Усходняй Еўропе.
Пра гэта паведаміў ІТАР-ТАСС прадстаўнік місіі адной з заходнееўрапейскіх краін пры Паўночнаатлантычным альянсе.
"Завяршэнне працэсу вываду асноўных баявых сіл альянсу з Афганістана, а таксама абмеркаванне мер па ўзмацненні калектыўнай абароны ў Еўропе, уключаючы магчымае пашырэнне ваеннай прысутнасці ва Усходняй Еўропе, з высокай верагоднасцю стануць галоўнымі тэмамі гэтай сустрэчы", - сказаў дыпламат.
Раней генеральны сакратар НАТА Андэрс Фог Расмусэн заяўляў, што альянс мае намер "павышаць калектыўную бяспеку на моры, у паветры і на сушы". У тым ліку НАТА мае намер разгледзець магчымасць дадатковага размяшчэння сіл ва Усходняй Еўропе.