Кітайскія будаўнікі знайшлі тыраназаўра «Пінокіа»

На поўдні Кітая дарожныя будаўнікі знайшлі астанкі тыраназаўра, які належаў да раней невядомага тыпу.

Характэрнай асаблівасцю драпежніка ўзростам 66 мільёнаў гадоў быў падоўжаны нос, з прычыны чаго ён атрымаў мянушку «Пінокіа Рэкс» (Pinocchio rex), піша Lenta.ru.

Ідэнтыфікацыю рэшткаў тыраназаўра правялі навукоўцы з Эдынбургскага ўніверсітэта ў Вялікабрытаніі. Па іх дадзеных, дзевяціметровы драпежнік, які атрымаў афіцыйную лацінскую назву Qianzhousaurus sinensis, быў «стрыечным братам» віду Tyrannosaurus rex. Разам з тым «Пінокіа» істотна адрозніваецца ад іншых тыраназаўраў - у яго той жа ашчэр, што і ў Tyrannosaurus Rex, аднак морда - больш тонкая, з шэрагам «рагоў» на верхняй частцы, прычым даўжыня яе - на 35 адсоткаў больш, чым у іншых дыназаўраў з тым жа памерам тулава. Прычын такіх адрозненняў навукоўцы пакуль не ведаюць, зараз яны плануюць правесці біямеханічнае даследаванне яго сківіцы, каб атрымаць уяўленне аб харчовым рацыёне жывёлы.

Даследчыкі мяркуюць, што ў канцы мелавогу перыяду, калі завяршалася эра дыназаўраў, у адным і тым жа месцы ў Азіі жылі і палявалі некалькі розных відаў тыраназаўраў. У апошнія гады ў Манголіі былі знойдзеныя шкілеты тыраназаўра з незвычайна доўгім носам, якія атрымалі назву Alioramus. Аднак яны былі не дарослымі асобінамі, і гэта не выключала таго, што такая форма морды магла быць часовай узроставай асаблівасцю. Аднак кітайская знаходка, якая ўяўляе сабой практычна дарослую асобіну, здымае сумневы.

Палеантолагі цяпер упэўненыя, што Qianzhousaurus і Alioramus з'яўляюцца часткай новай падгрупы тыраназаўраў з падоўжанымі чарапамі. Яны разлічваюць выявіць новых прадстаўнікоў гэтага сямейства - «сваякоў» ужо знойдзеных даўганосых тыраназаўраў.