Папу Паўла VI далучаць да ліку святых

Папа Францыск абвясціў, што яшчэ адзін яго папярэднік, Павел VI, будзе далучаны да ліку блажэнных у кастрычніку.

Беатыфікацыя пантыфіка - крок, які здзяйсняецца перад тым, як быць далучаным да ліку святых. Пра гэта рашэнне было абвешчана праз два тыдні пасля кананізацыі двух іншых кіраўнікоў каталіцкай царквы XX стагоддзя - Яна XXIII і Яна Паўла II, перадае BBC.

Павел VI стаў першым Рымскім пантыфікам з IX стагоддзя, які наведаў іерусалімскага (у 1964 годзе) і канстанцінопальскага (у 1967 годзе) патрыярхаў. Ён увёў у багаслоўскі каталіцкі абарот фразеалагізм «Цэрквы-сёстры». Сустрэча з Канстантынопальскім патрыярхам Афінагорам I, якая адбылася ў Канстанцінопалі ў 1964 годзе, прывяла да ўзаемнага зняцця анафемы, што стала стымулам да ўзнікнення шырокага экуменічнага дыялогу паміж Каталіцкай і Праваслаўнымі цэрквамі. 7 снежня 1965 года была апублікаваная сумесная дэкларацыя, якая пацвярдзіўшы, што раскол паміж дзвюма цэрквамі не пераадолены, тым не менш, абодва бакі выказвалі імкненне да прымірэння.

Павел VI, які памёр у 1978 годзе, запомніўся таксама дзякуючы ўведзенай ім забароне на кантрацэпцыю. Гэтая забарона ў значнай ступені ігнаруецца каталікамі і, верагодна, стане прадметам абмеркавання на пасяджэнні біскупаў, прысвечаным тэме сям'і, у кастрычніку.