Кава ратуе зрок

Навукоўцы працягваюць знаходзіць усё новыя карысныя ўласцівасці кавы.

Медыкі з нью-ёркскага ўніверсітэта Карнела сцвярджаюць, што кава, дзякуючы сваім антыаксідантным уласцівасцям паспяхова змагаецца з глаўкомай, піша Daily Mail.

Моцным антыаксідантам з'яўляецца хларагенавая кіслата, складаны эфір кававай кіслаты, якой у каве ад 7 да 9%. Кафеіну, дарэчы, ў каве ўсяго 1%. Хларагенавая кіслата дапамагае пры пагаршэнні зроку і дэгенерацыі сятчаткі пры глаўкоме. Акрамя гэтага, яна ў сілу сваіх антыаксідантных уласцівасцей запавольвае старэнне і дапамагае пры дыябеце, піша «Комсомольская правда».

Доследы праводзіліся, як звычайна, на мышах. Вядома, грызуноў, якім пагражала страта зроку, не паілі кавай. Ім яе давалі ў іншым выглядзе, з ежай. Для хворых глаўкомай, мяркуюць навукоўцы, досыць аднаго кубка кавы ў дзень, каб адчуць дабратворны эфект.

Сятчатка, са слоў прафесара Чанга Лі, кіраўніка даследаванняў, з'яўляецца метабалічна вельмі актыўнай тканінай. Яна мае патрэбу ў вялікіх аб'ёмах кіслароду і ў сувязі з гэтым схільнасці да так званага «аксідатыўнага стрэсу». Недахоп кіслароду і выпрацоўка свабодных радыкалаў прыводзяць да пашкоджання тканіны і ў канчатковым выніку да страты зроку.

Кава з'яўляецца не толькі адным з найбольш папулярных на планеце напояў, але і вельмі карысным. Раней было даказана, што яна дапамагае хворым хваробай Паркінсона, на рак прастаты, дыябет, хваробу Альцгеймера і пры старэнні арганізма.