Кацярына Даманькова: Майму джыпу з расейскімі нумарамі ў Менску прабілі колы
198- 11.05.2014, 16:16
- 100,459
Аўто з беларускімі нумарамі, якія стаяць побач, не пацярпелі.
Беларуская «Супермадэль свету» Кацярына Зінгарэвіч (Даманькова) пакінула запіс у Інстаграме, у якой скардзіцца, што яе джып з расейскімі нумарамі стаў ахвярай хуліганаў.
У аўто пракалолі ўсе колы, а таксама выбілі вокны. Суседнія аўто з беларускай рэгістрацыяй засталіся цэлымі, піша «Наша Нiва».
«Мяне наважваюць пакараць за тое, што я звязаная з Расеяй? Ваша пакаранне ўжо стукаецца да вас у дзверы ў выглядзе барадатай «жанчыны», - абураецца яна.
Кацярына Даманькова нарадзілася ў 1988 у Менску. У 2006 яна перамагла ў конкурсе «Супермадэль свету» ў ЗША. У 2010-м дзяўчына падпісала кантракт з сусветна вядомым брэндам жаночай бялізны Victoria's Secret.
Даманькова выйшла замуж за расейскага бізнэсоўца Антона Зінгарэвіча.