У баевікоў у Новаазоўску канфіскавалі запоўненыя бюлетэні
4- 11.05.2014, 16:56
- 13,385
Байцы Нацыянальнай гвардыі канфіскавалі чарговую партыю запоўненых бюлетэняў з так званага «рэферэндуму», які праводзіцца тэрарыстамі.
Раніцай на блокпосце ў раёне горада Новаазоўска Данецкай вобласці вайскоўцы затрымалі двух украінцаў з запоўненымі бюлетэнямі. У легкавым аўтамабілі зламыснікаў выявілі амаль 800 запоўненых бюлетэняў з вынікамі галасавання. Зараз затрыманых перадалі супрацоўнікам СБУ, адзначае ТСН.
Нагадаем, што сёння ў Луганскай і Данецкай абласцях узброеныя экстрэмісты арганізавалі так званы «рэферэндум» аб аддзяленні ад Украіны. Пры гэтым у баевікоў няма спісаў выбаршчыкаў, сепаратысты Данбаса не ведаюць, куды наогул ісці галасаваць, а тыя, хто знайшоў, дзе ўчастак з урнай, галасуюць за нябожчыкаў і суседзяў.
СМІ Данецка і Луганску паведамляюць, што галасаванне адбываецца фактычна пад руляй аўтамата - на кожным участку стаяць узброеныя тэрарысты.
Пры гэтым сусветная супольнасць не прызнае экстрэмісцкія рэферэндумы на Усходзе Украіны. У прыватнасці, ЗША ўжо заявілі, што не прызнаюць галасавання. А кіраўнік Парламенцкай асамблеі АБСЕ назваў псеўдарэферэндумы ў Данбасе абсурдам.
Нараўне з гэтым, у Данбасе праходзіць рэферэндум аб аб'яднанні Луганскай і Данецкай вобласці з Днепрапятроўскай. Таксама паведамлялася, што ў Данбасе большасць людзей галасуюць менавіта за аб'яднанне з Днепрапятроўскай вобласцю і ігнаруюць экстрэмістаў.