На блокпосце пад Кіевам затрымалі аўто са зброяй
2- 11.05.2014, 17:26
- 12,088
Байцы Нацыянальнай гвардыі падчас агляду двух аўтамабіляў, якія накіроўваліся ў Кіеў, знайшлі арсенал зброі.
Пра гэта паведамляе сайт Нацыянальнай гвардыі. Інцыдэнт адбыўся на блокпосце ў раёне горада Пераяслаў-Хмяльніцкага Кіеўскай вобласці.
«Аўтамабілі Volkswagen Passat і Honda CR-V рухаліся ў кірунку Кіева і былі без нумарных знакаў, што і стала прычынай іх прыпынку», - адзначаецца ў паведамленні.
Падчас праверкі багажнікаў транспартных сродкаў былі знойдзеныя сродкі індывідуальнай абароны і шэсць адзінак вайсковай, паляўнічай наразной і гладкаствольнай зброі, а таксама спецсродкі траўматычнага дзеяння.
Усяго знайшлі 9 мм траўматычны пісталет ПМР, 9 мм траўматычны пісталет ПМ «Вій», 9 мм пісталет сістэмы Browning, стрэльбу Mossberg 500, 7,62 мм вінтоўку Erma і 7,62 мм карабін МКМ.
Восем затрыманых асоб ад тлумачэнняў адмовіліся, і былі перададзеныя ў следчы аддзел Пераяслаў-Хмяльніцкай міліцыі.