Намеснік дзяржсакратара ЗША Рычард Стэнгл едзе ў Кіеў
- 12.05.2014, 10:32
- 4,642
Намеснік дзяржаўнага сакратара ЗША па пытаннях публічнай дыпламатыі Рычард Стэнгл прыбывае ў панядзелак у Кіеў.
Пра гэта паведамляе «Радыё Свабода» са спасылкай на Дзяржаўны дэпартамент ЗША.
Па паведамленні, мэта яго візіту ў Кіеў, а потым у Рыгу і Брусэль - падкрэсліць неабходнасць большай рэгіянальнай падтрымкі прэзідэнцкіх выбараў ва Украіне 25 траўня з мэтай супрацьстаяць спробам пазбавіць іх легітымнасці і забяспечыць, каб усе ўкраінцы мелі магчымасць самі вырашыць сваю будучыню.
Візіт Рычарда Стэнгла ў Кіеў прадэманструе падтрымку Вашынгтонам новай улады Украіны ў яе пабудове ўсёахопнай, празрыстай і падсправаздачнай сістэмы дзяржаўнага кіравання, якая будзе адказваць патрэбам усіх украінцаў, гаворыцца ў паведамленні.