Навукоўцы навучыліся выклікаць усвядомленыя сны
14- 12.05.2014, 10:45
- 15,143
Навукоўцы зразумелі, як узнікаюць сны, якія псіхолагі называюць усвядомленымі.
Яны адрозніваюцца ад звычайных тым, што чалавек, які спіць, усведамляе, што ён спіць і часам можа ўмешвацца ў сюжэт сну і кіраваць ім, піша «Газета.Ru».
Спецыялісты лічаць, што падчас усвядомленых сноў чалавек валодае свядомасцю другога ўзроўню, што ўключае памяць аб мінулым і планаванне будучыні. Падчас звычайнага сну свядомасці не даступныя такія рэчы.
Нейрафізіёлагі звязалі ўзнікненне ўсвядомленых сноў з электрычнай мазгавой актыўнасцю ў гама-дыяпазоне (з частатой 25-40 Гц).
З дапамогай стымуляцыі мозгу ў лобнай і скроневай абласцях слабым электрычным токам ў гама-дыяпазоне даследчыкам удалося выклікаць у здаровых добраахвотнікаў усвядомленыя сны.