Руслана назвала Пуціна «спонсарам тэрарызму» і «майстрам тэрактаў»
10- 12.05.2014, 10:48
- 12,528
10 траўня ўкраінская спявачка і актывістка Руслана выступіла на Жаночым кангрэсе ў Варшаве.
У гэтым годзе кангрэс ужо ў шосты раз збірае уплывовых і выдатных жанчын Польшчы. Падчас свайго выступлення Руслана падзялілася прамовай адносна тэрарызму Пуціна і сустрэлася з прэм'ер-міністрам Польшчы Дональдам Тускам, перадае ТСН.
Для ўдзельнікаў мерапрыемства спявачка традыцыйна выканала гімн Украіны, падчас выканання запаліліся ліхтарыкі на знак салідарнасці з Украінай. Руслана адзначыла, што Украіне патрэбны моцны голас Польшчы ў падтрымку санкцый, у якія яна ўжо не верыць, паколькі іншыя еўрапейскія краіны, у прыватнасці, Іспанія, Партугалія і Італія выступілі супраць санкцый.
"У прамове са сцэны перад шасцітысячнай аўдыторыяй я сказала: "Калі вы чакаеце традыцыйнай класічнай вайны, то яе не будзе!" Вайна Пуціна - гэта новыя цёмныя тэхналогіі. Ён - спонсар тэрарызму. Ён - майстар спецаперацый і тэрактаў!" - сказала Руслана.
Яна таксама заклікала ўсіх жанчын аказаць максімальны ціск на мужчын-палітыкаў і бізнесменаў, каб яны спынілі вайну ўсімі метадамі.