Польшча стварае спэцаддзелы па барацьбе з «зялёнымі чалавечкамі»

У польскай арміі з'явяцца 16 новых супрацьдыверсійных падраздзяленняў.

Міністэрства абароны Польшчы праводзіць рэформу Нацыянальных рэзервовых сіл (НРС). Дзякуючы ёй будуць створаныя 16 аддзелаў, падпарадкаваных спецыяльным сілам і здольных супрацьстаяць «зялёным чалавечкам» і «апалчэнцам», якіх Пуцін выкарыстоўваў у Крыме, выкарыстоўвае цяпер ва Усходняй Украіне, і супраць якіх рэгулярная армія аказалася бяссільнай, піша Gazeta Wyborcza (пераклад - charter97.org).

У 2008 годзе, калі ў Польшчы з'явілася прафесійная армія, было вырашана, што 20-тысячныя НРС будуць непрафесійнымі элементамі польскіх узброеных сіл, якія налічваюць 100 тысяч салдат. Дадзеная добраахвотніцкая армія павінна была стаць падмацаваннем для прафесійнага войска, а таксама аказваць дапамогу грамадзянскаму насельніцтву падчас стыхійных бедстваў. Аднак да гэтага часу іх колькасць не перавышала некалькіх тысяч салдат.

Па неафіцыйнай інфармацыі, у выніку рэформы ў кожным з 16 ваяводстваў з добраахвотнікаў і рэзервістаў будзе сфармаваны спецаддзел НРС, падрыхтоўкай якога зоймуцца інструктары спецназа.

Салдаты будуць трэніравацца і набываць асноўныя ваенныя навыкі такія, як стральба, арыентаванне на мясцовасці, выкарыстанне абсталявання сувязі, зброі і ваеннай тэхнікі. Важным элементам падрыхтоўкі будзе супрацьдзеянне актам сабатажу, спробам захопу тэрыторый і будынкаў, дыверсій. Гэтыя спэцаддзелы ў выпадку неабходнасці будуць абараняць мясцовыя адміністрацыйныя будынкі, вузлы сувязі, электрастанцыі.