Суд Кіева вызваліў экс-рэктара Падатковай акадэміі Мельніка

Пётр Мельнік, які ўцёк і вярнуўся ва Украіну, выйшаў на волю.

Па словах адваката Ігара Чэразава, адпусцілі яго кліента позна ўвечары 8 траўня. Зараз Пётр Мельнік знаходзіцца ў сваім доме ў Ірпені, адкуль ён раней уцёк, знаходзячыся пад хатнім арыштам, піша «Лiга.нет».

Нагадаем, 2 красавіка Пячэрскі райсуд Кіева прыняў рашэнне аб абранні Мельніку меры стрымання ў выглядзе ўтрымання пад вартай або хатняга арышту, калі падазраваны ўнясе заклад.

Апеляцыйны суд Кіева на пасяджэнні 15 красавіка пакінуў пад вартай экс-рэктара Пятра Мельніка і пакінуў заклад у памеры каля 30 млн. грн.

7 траўня Апеляцыйны суд Кіева знізіў памер закладу для Мельніка з 30 млн. грн. амаль да 600 тыс. грн.

Мельнік быў затрыманы 27 ліпеня 2013 года пры атрыманні ад двух грамадзян Украіны хабараў у памеры 40 тыс. і 80 тыс. грн. за ўступленне іх сваякоў у ВНУ, якім ён кіраваў.

1 жніўня 2013 года Пячэрскі райсуд Кіева выбраў Мельніку меру стрымання ў выглядзе хатняга арышту да 27 верасня ўключна. 7 жніўня на Мельніка надзелі электронны бранзалет для адсочвання яго знаходжання. 9 жніўня стала вядома, што Мельнік уцёк з-пад хатняга арышту, скінуўшы электронны бранзалет.

14 жніўня Мельнік быў абвешчаны ў міжнародны вышук, а 1 красавіка 2014 года ён быў затрыманы па прыбыцці ў Кіеў з Лондана.