Мэр Херсона - Жырыноўскаму: Кідайце працу і ідзіце ў цырк
12- 12.05.2014, 12:00
- 17,611
Уладзімір Нікалаенка параіў расейскаму палітыку сканцэнтравацца на каментаванні Еўрабачання, а не сітуацыі ва Украіне.
Пра гэта гаворыцца ў яго адкрытым відэазвароце.
Уладзімір Мікалаенка распавёў, што яму перадалі ліст намесніка старшыні Дзярждумы РФ і кіраўніка ЛДПР Уладзіміра Жырыноўскага. У ім расейскі палітык абвінаваціў херсонскага кіраўніка ў тым, што нібыта ён 9 траўня «назваў Гітлера чалавекам, які вызваліў Украіну ад бальшавізму».
«Па-першае, 9 траўня ў Дзень Перамогі перад ветэранамі было сказана, што Пуцін зараз так вызваляе Украіну ад фашызму, як Гітлер яе вызваляў ад бальшавізму, - распавёў Нікалаенка. - Па-другое, гэтыя мудрыя словы сказаў не я, а губернатар Херсонскай вобласці Юрый Адарчанка».
У сувязі з гэтым Нікалаенка параіў Жырыноўскаму «сканцэнтраваць сваю ўвагу на каментаванні Еўрабачання і сысці з палітычнай арэны і заняць цыркавую».