Былы дырэктар «Обліка» асуджаны на 8 гадоў калоніі

Сёння ў Брэсце пастаўленая кропка ў адной з найбольш рэзанансных крымінальных спраў, якая тычыцца правапарушэнняў у будаўнічай галіне.

Пра гэта перадае карэспандэнт БелТА.

Судовая калегія па крымінальных справах Брэсцкага абласнога суда прызнала былога генеральнага дырэктара таварыства абмежаванай адказнасці "Облік" Мікалая Клімука вінаватым у здзяйсненні злачынстваў, прадугледжаных ч.3 арт.424 КК (крадзеж шляхам злоўжывання службовымі паўнамоцтвамі) і ч.4 арт.210 КК (злоўжыванне ўладай або службовымі паўнамоцтвамі), якія пацягнулі прычыненне істотнай шкоды правам і законным інтарэсам грамадзян у асабліва буйным памеры.

Па сукупнасці злачынстваў шляхам частковага складання прызначаных пакаранняў былому кіраўніку канчаткова прызначанае пакаранне ў выглядзе пазбаўлення волі на тэрмін 8 гадоў з адбываннем у папраўчай калоніі ва ўмовах ўзмоцненага рэжыму з канфіскацыяй усёй маёмасці і з пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў на тэрмін 5 гадоў.