Расеец у Крывым Рогу захапіў закладніцу і «далучыў» свой дом да РФ

Каб даказаць сур'ёзнасць сваіх намераў, злачынец адсек мезенец сваёй сужыцельцы.

11 траўня 2014 года ў горадзе Крывы Рог расеец узяў у палон украінку і вылучыў шэраг патрабаванняў да выканаўчай улады горада. Адно з іх - перадаць захоплены будынак у дзяржаўную ўласнасць Расеі.

Пра гэта паведамілі ў прэс-службе ГУМВД Украіны ў Днепрапятроўскай вобласці.

Свае патрабаванні да ўлады зламыснік перадаў праз суседа ў выглядзе запіскі, якая змяшчала 9 пунктаў. У прыватнасці, у паведамленні гаварылася пра тое, што на тэрыторыі дома не сапраўдныя Законы Украіны і ўсе рашэнні прымае аўтар запіскі. Таксама ён заявіў, што сваю сужыцельку ўзяў у закладніцы як гарантыю ўласнай бяспекі.

Ужо праз некалькі гадзін сіламі мясцовай міліцыі кватэру атрымалася разблакаваць, тэрарыста затрымаць, а закладніцу вызваліць. На жаль, зламыснік не пашкадаваў сваю сужыцельку, і каб пацвердзіць сур'ёзнасць сваіх намераў, адрэзаў ёй фалангу мезенца.

За захоп закладнікаў украінскае заканадаўства прадугледжвае пакаранне па ч. 1 арт. 147 Крымінальнага кодэкса Украіны, парушальніку гэтага закона пагражае ад 5 да 8 гадоў пазбаўлення волі.