Тэрарысты патлумачылі захоп журналіста: Ён дрэнна пісаў пра ДНР
2- 12.05.2014, 12:28
- 9,489
Журналіст «Новой газеты» Павел Каныгін затрыманы ў Арцёмаўску за тое, што «дрэнна пісаў пра «Данецкую народную рэспубліку».
Пра гэта паведамляе РІА «Новости» са спасылкай на сепаратыстаў.
«Яго затрымалі ўчора каля 24.00 (01.00 мск) у Арцёмаўску на блокпосце, і цяпер там яго ўтрымліваюць. У яго не было акрэдытацыі «Данецкай народнай рэспублікі», а таксама пры ператрусе былі выяўленыя матэрыялы негатыўнага характару супраць «Данецкай народнай рэспублікі», - гаворыцца ў паведамленні сепаратыстаў.
Пра выкраданне журналіста «Новой газеты» першымі паведамілі яго калегі ў сацсетках.
СРОЧНО корреспондента "Новой Газеты" Павла Каныгина ночью похитили в Артемовске
— iлля¯\_(ツ)_/¯няшмяш (@A3AP) 12 мая 2014
Каныгин ночью прислал смс,что его похитили,вроде бы его возили в Славянск, коллега заплатил выкуп 1000$,обещали отпустить,но тел вне доступа
— iлля¯\_(ツ)_/¯няшмяш (@A3AP) 12 мая 2014
Інфармацыю пра выкраданне журналіста таксама пацвердзіў фотакарэспандэнт, які працуе ў рэгіёне, Пётр Шэламоўскі. Паводле яго слоў, Каныгін раніцай даслаў яму SMS наступнага зместу «Мяне выкралі, тэлефануй у Маскву». Зараз тэлефон карэспандэнта расейскай «Новой газеты» недаступны.