На «рэферэндуме» ў Марыупалі прагаласавалі не больш за 4,3% жыхароў

У горадзе падчас правядзення галасавання працавалі толькі 4 выбарчыя ўчасткі з 216.

Пра гэта паведамляе мясцовае выданне 0629.

Звычайна выбары ў гэтым амаль паўмільённым горадзе праходзяць на 216 выбарчых участках. Менавіта дзякуючы такому «ўразанню» і была створаная для СМІ адпаведная карцінка кіламетровых чэргаў на «рэферэндум».

Патэнцыйных выбаршчыкаў у Марыупалі 345 тысяч чалавек. Пры гэтым нават самы вялікі выбарчы ўчастак здольны за дзень прыняць і апрацаваць 2,5 тысячы чалавек.

Нават калі ўлічыць, што ўсе чатыры ўчастка ў Марыупалі працавалі на поўную магутнасць, яны фізічна змаглі прыняць не больш за 15 тысяч чалавек, гэта значыць каля 4,3% усіх выбаршчыкаў.

Пры гэтым арганізатары заяўлялі пра яўку ў Марыупалі ў амаль 25% (каля 85 тысяч чалавек) ужо ў 16:00.

Акрамя гэтага, журналісты заўважылі некалькі катастрафічных парушэнняў пры апытанні:

1. Самі бюлетэні без абароны, без подпісаў і пячатак, раздрукаваныя на прынтары.

2. На выбарчых участках не было спісаў выбаршчыкаў.

3. Не было кабінак для галасавання, гэта значыць не выконвалася таямніца галасавання.

4. На ўчастку ў Прыморскай райадміністрацыі бюлетэні кідалі не ў скрыню для галасавання, а ў скрыню з-пад алею.

5. Дапускаліся выпадкі, калі адзін чалавек галасаваў за ўсю сям'ю, гэта значыць не было персанальнага галасавання.

6. Дапускаліся выпадкі, калі людзі галасавалі без дакумента, які сведчыць асобу.

Напрыклад, на ўчастку ў Прыморскай райадміністрацыі для зручнасці тых, хто галасаваў, арганізавалі «вынасное галасаванне на вуліцы». На вуліцы стаялі два столікі, яшчэ два - на ўваходзе ў будынак.