Баевікі атакавалі КПП на мяжы Украіны і Расеі
6- 12.05.2014, 16:41
- 13,468
Мытны пост Ізварына закідалі кактэйлямі Молатава з намерам завалодаць зброяй.
Міністэрства даходаў і збораў Украіны закрыла пункт пропуску Ізварына Луганскай мытні з-за ўзброенага нападу 8 траўня групы неўстаноўленых асоб. Пра гэта паведамілі агенцтву «Інтэрфакс-Украіна» ў міністэрстве.
«Група неўстаноўленых асоб з боку Украіны ў 18:15 8 траўня здзейсніла напад на пункт пропуску Ізварына Луганскай мытні Міндаходаў з намерам завалодаць зброяй памежнага нарада. У ходзе нападу мытны пост Ізварына закідалі кактэйлямі Молатава. Пры ўзнікненні пажару дзяжурная змена з памежным нарадам адступіла да нейтральнай паласы. Нападаючыя праніклі на тэрыторыю паста, падпалілі будынак, пашкодзілі сервернае і кабельнае абсталяванне. Работнікі мытнага паста не пацярпелі», - паведамілі ў міністэрстве.
Як паведамляецца, у цяперашні час у сувязі з названымі падзеямі ў пункце пропуску Ізварына пропуск тавараў і транспартных сродкаў праз дзяржаўную мяжу часова не ажыццяўляецца.