«Замак Дракулы» выставілі на продаж

Кошт замка Бран у Румыніі ацэньваецца ў 140 млн еўра.

На сёння маёнтак належыць нашчадку каралеўскай дынастыі Габсбургаў, якому ён дасталася ў мінулым стагоддзі. Аднак, па прызнанні самога гаспадара, Дамініка фон Габсбурга, ён, будучы ўжо ў сталым узросце, не ўпэўнены, што зможа і далей паспяхова весці справы, бо цяпер сядзіба самага вядомага ў свеце вампіра з'яўляецца найпапулярнейшай сярод турыстаў славутасцю, перадае ІТАР-ТАСС.

У сувязі з гэтым, ён наважыў выставіць турыстычны аб'ект на продаж, каб у патэнцыйна прыбытковага праекта з'явіўся годны інвестар. Кошт замка не выдаецца, аднак вядома, што першапачаткова эрцгерцаг Дамінік прапаноўваў перадаць яго ў дзяржаўную ўласнасць Румыніі за 80 мільёнаў даляраў. Продажам сядзібы і прылеглай тэрыторыі зоймецца амерыканская рыэлтарская кампанія Herzfeld & Rubin.

Замак Бран быў пабудаваны ў XIV стагоддзі і знакаміты тым, што там жыў Улад III Цепеш (ад румынскага «Коласажальнік») - уладар валашскага княства, пры якім яно перажывала самыя цёмныя часы сваёй гісторыі. Менавіта «чорны князь», як яго часам называюць, стаў прататыпам легендарнага графа Дракулы - героя рамана Брэма Стокера.