Жыхар Пецярбурга абліў сябе «крывёю» ля будынка ФСБ

У Пецярбургу прайшоў перфоманс пратэсту супраць вайны з Украінай.

У 14:00 нейкі Алег М у ваеннай форме без шаўронаў прыйшоў да будынка ФСБ на Ліцейным праспекце, 4. У знак пратэсту супраць ваенных дзеянняў на паўднёвым усходзе Украіны выліў на сябе чырвоную вадкасць. Сваю акцыю ён назваў «Умыйцеся крывёю». Па розных звестках актывіст абліў сябе крывёю ці фарбай, піша Цензор.нет.

Затрыманага даставілі ў АУС Цэнтральнага раёна, дзе на яго былі складзеныя адміністрацыйныя пратаколы.