Аляксандр Турчынаў: Камуністы паўтараюць цынічную хлусню расейскіх СМІ
29- 13.05.2014, 11:03
- 17,371
Старшыня Вярхоўнай Рады не выключае забароны КПУ.
Пра гэта Аляксандр Турчынаў заявіў сёння падчас сесіі парламента адразу пасля выступлення лідара фракцыі камуністаў Пятра Сіманенкі. Ён адзначыў, што папросіць разгледзець пытанне адносна забароны КПУ як датычнай да сепаратысцкай дзейнасці.
«Сіманенка паўтарае хлусню і прапаганду, якія распаўсюджваюць расейскія сродкі масавай інфармацыі, у тым ліку і на Захад. Гэта цынічная хлусня, - абурыўся ён выступленнем Пятра Сіманенкі. - Я буду звяртацца ў Міністэрства юстыцыі, ёсць вельмі шмат матэрыялаў адносна саўдзелу Камуністычнай партыі ў тэрарыстычнай і сепаратысцкай дзейнасці».
Анлайн-трансляцыю пасяджэння Вярхоўнай Рады Украіны можна глядзець тут.
Фота: AFP