Пад Менскам памёр латвійскі чыноўнік
- 13.05.2014, 13:22
- 14,241
Старшыня думы Рыебіньскага краю памёр у Ратамцы.
Пра гэта паведамляе delfi.lv са спасылкай на міністэрства замежных спраў Латвіі.
«Можам пацвердзіць той факт, што адзін чалавек памёр. Амбасада падтрымлівае кантакт з яго блізкімі, зараз уладжваюць фармальнасці, неабходныя для дастаўкі яго цела ў Латвію», - сказала прадстаўніца МЗС Латвіі Дыяна Эглітэ.
МЗС не каментуе прычыны яго смерці, перадае агенцтва BNS.
Як удакладняе агенцтва LETA, пад Менскам у ноч на 12 траўня ва ўзросце 53 гадоў раптоўна памёр старшыня Думы Рыебіньскага краю Ілмарс Мялушкалнс. Пра гэта паведаміла кіраўнік бюро Латвійскай партыі зялёных (LZP) Ліга Булмейстэрэ. На выбарах у самакіраванне ў мінулым годзе Мялушканлс балатаваўся па спісе саюза Зялёных і сялян.