Уладзімір Агрызка: Тэрарысты прадстаўляюць Генштаб арміі РФ
4- 14.05.2014, 9:35
- 9,120
Дыялог з тэрарыстамі, якія забіваюць людзей, будзе азначаць гульню на руку Маскве.
Пра гэта сказаў былы міністр замежных спраў Украіны Уладзімір Агрызка ў эфіры "5 канала".
«Мэтай Масквы сёння як раз з'яўляецца тое, каб пасадзіць за стол перамоваў тэрарыстаў і законную ўладу. Пачуць кожнага - гэта, вядома, прыгожы лозунг. Але ён тычыцца толькі тых, хто прадстаўляе хоць бы нейкую частку грамадства. Тэрарысты прадстаўляюць Генеральны штаб расейскай арміі, ФСБ і ўсе іншыя структуры, якія сёння дэстабілізуюць сітуацыю ў нашай дзяржаве. Таму будзем размаўляць, магчыма, адразу з кім-небудзь з кіраўнікоў ФСБ і пасадзім іх за стол? Ці будзем размаўляць з іх наймітамі, якія забіваюць нашых людзей?», - сказаў Агрызка.
Ён адзначыў, што 13 траўня загінулі 7 вайскоўцаў ад тых, хто страляе з-за спіны мірных украінскіх грамадзян. «То, прабачце, дыялог з такімі людзьмі - гэта нонсэнс. Гэта значыць, што мы хочам згуляць на руку Маскве», - лічыць экс-кіраўнік МЗС Украіны.
Паводле яго слоў, гэта робіць Камуністычная партыя «абсалютна шчыра і адкрыта, пераканана». «І таму, я думаю, пытанне аб іх забароне - гэта пытанне, якое павінна быць вырашана неадкладна для таго, каб ліквідаваць гэтую Пятую калону неадкладна з тэрыторыі Украіны. І мы павінны думаць пра тое, што робяць у Партыі рэгіёнаў, якую сёння адзін з яе былых членаў назваў партыяй шакалаў», - заявіў Агрызка.
Фота: PHL