Тэрарысты ў Данбасе выкрадаюць міліцыянтаў
2- 14.05.2014, 10:10
- 5,016
У Арцёмаўску Данецкай вобласці тэрарысты выкралі двух міліцыянтаў.
Пра гэта паведамляюць мясцовыя журналісты са спасылкай на сваякоў выкрадзеных, перадае УНІАН.
Двое супрацоўнікаў гараддзела міліцыі горада Красны Ліман - начальнік сектара крымінальнага вышуку Яраслаў Мяжэнны і начальнік сектара грамадскай бяспекі Леанід Броўкін - былі выкрадзеныя 12 траўня днём у горадзе Арцёмаўск, дзе абодва пражывалі.
Раней тэрарысты, якія дзейнічаюць на тэрыторыі Данецкай вобласці, узялі ў палон начальніка ўпраўлення Усходняга тэрытарыяльнага камандавання, палкоўніка Юрыя Лебедзя. Падчас Еўрамайдана афіцэр кіраваў палком спецыяльнага прызначэння ўнутраных войскаў МУС Украіны ў Крыме. Пасля анэксіі паўвострава Расеяй украінскі афіцэр адмовіўся прымаць грамадзянства акупантаў.
Інфармацыі пра іх месцазнаходжанне няма, у прэс-службе Галоўнага ўпраўлення МУС Украіны ў Данецкай вобласці пра выкраданне не паведамляюць.