Уцекачы са Славянска: У горадзе пастаянна гучаць выбухі і выццё сірэн
5- 14.05.2014, 10:54
- 12,619
Людзі бягуць з захопленых тэрарыстамі гарадоў Данбаса.
У Чаркасы з небяспечнага Славянска перабралася маладая сям'я з гадавалым дзіцем, паведамляе 5 канал.
Маладыя людзі кажуць, што выехаць угаварылі сваякі. У Чаркасах перасяленцам падабаецца, але яны спадзяюцца, што сітуацыя ў родным краі стабілізуецца і, па меншай меры, праз месяц-два змогуць вярнуцца дадому.
«У нашым родным горадзе стала немагчыма жыць. Там страляюць, выюць сірэны, чутныя выбухі. Мы проста баімся за жыццё нашага дзіцяці», - кажа Яўгенія, бежанка з акупаванага Славянска.
Сям'я даведваецца пра апошнія навіны з горада ад сваякоў, якія засталіся ў горадзе і спадзяецца вярнуцца туды пасля вызвалення Данбаса.