Былога гендырэктара «Магілёўвадбуду» пасадзілі на 7 гадоў
7- 14.05.2014, 13:13
- 10,527
Былому кіраўніку холдынгу «Магілёўвадбуд» далі 7 гадоў турмы з канфіскацыяй.
Пра гэта БелТА паведаміў начальнік следчага ўпраўлення УСК па Магілёўскай вобласці Аляксей Яршоў, якое расследавала крымінальную справу.
Пры расследаванні крымінальнай справы ў дачыненні да былога генеральнага дырэктара холдынгу «Магілёўвадбуд» праведзены значны аб'ём працы. Па крымінальнай справе, якая складаецца з 9 тамоў, дапытаныя больш за 100 сведак, праведзены шэраг крыміналістычных экспертыз, накладзены арышт на маёмасць і грашовыя сродкі абвінавачанага на суму каля Вr1 млрд.
Былы кіраўнік холдынгу абвінавачваецца ў атрыманні ад прадстаўнікоў камерцыйнай структуры Расейскай Федэрацыі хабару ў памеры 400 тыс. расейскіх рублёў за вырашэнне пытання аб заключэнні дамовы на аказанне транспартных паслуг і ажыццяўленне работ па рэкультывацыі зямель у Рэспубліцы Комі, а таксама ў крадзяжы гаруча-змазачных матэрыялаў холдынгу на суму больш Вr18,5 млн.
«Прысуд суда можна назваць вышэйшай кропкай дзяржаўнай адплаты за зробленае злачынства», - адзначыў Аляксей Яршоў.
Прысуд пакуль у законную сілу не ўступіў і можа быць абскарджаны ва ўстаноўленым законам парадку.