Пад Славянскам ідзе бой з тэрарыстамі
2- 14.05.2014, 17:53
- 12,262
У Славянскім раёне Данецкай вобласці працягваюцца ўзброеныя сутыкненні паміж тэрарыстамі і ўкраінскімі войскамі.
Пра гэта паведамілі ў прэс-службе Данецкай аблдзяржадміністрацыі са спасылкай на дэпартамент па пытаннях унутранай палітыкі АДА.
"У выніку ўчорашняга бою (Дзімітраўскі сельскі савет) ёсць загінулыя і параненыя з абодвух бакоў. У Славянску чутная стральба. Падчас баявых дзеянняў церпяць прыватныя жылыя дамы, будынкі, транспарт", - сказана ў паведамленні.
У АДА таксама паказваюць, што ў сувязі з бяздзейнасцю сепаратыстаў пасля правядзення псеўдарэферэндуму многія жыхары адчуваюць "расчараванне", паколькі чакалі зменаў у лепшы бок.
"Напружанай на сённяшні дзень застаецца сітуацыя ў Данецку, Дзяржынску, Горлаўцы, Енакіева, Канстанцінаўцы, Краматорску, Красным Лімане, Марыупалі, Славянску і Славянскім раёне", - паведамілі ў прэс-службе.
Фота: AP