Ілля Панамароў: Баявікі з Данбаса вернуцца ў Расею з досведам баявых дзеянняў
15- 14.05.2014, 18:26
- 23,610
Узброеныя баевікі, якія цяпер захопліваюць будынкі абласных і гарадскіх адміністрацый ва Украіне, хутка з'явяцца ў Расеі.
Пра гэта заявіў дэпутат Дзярждумы РФ Ілля Панамароў на прэс-канферэнцыі ў Маскве, паведамляе «Главком».
«Як бы ні павярнуліся далей падзеі на ўсходзе Украіны, але ў нас з ёй у кожным выпадку будзе празрыстая мяжа», - сказаў ён.
Адпаведна, мяркуе Панамароў, «мы атрымаем тысячы нацыяналістычна настроеных» апалчэнцаў-расейцаў, з досведам баявых дзеянняў, «што злавілі кураж, якія дамагліся поспеху (а праведзены 11 траўня рэферэндум ў Данецкай і Луганскай абласцях - гэта іх поспех)».
«І ўсе гэтыя людзі будуць у Расеі», - дадаў Панамароў.
На думку дэпутата, «гэта досыць змрочная будучыня і змрочны сцэнар».
Паводле ягоных слоў, аснову грамадскіх арганізацый, якія цяпер уваходзяць у «Данецкую народную рэспубліку», гэта такія вельмі правыя нацыяналістычныя арганізацыі як Рускае нацыянальнае адзінства (РНЕ), нацыянал-бальшавікі, Славянскі саюз, казакі і Саюз афіцэраў.