Еўразвяз заклікаў Беларусь забараніць смяротнае пакаранне

Еўрапейскі Звяз заклікаў улады Беларусі ўвесці мараторый на смяротнае пакаранне.

Пра гэта паведамляе УНІАН са спасылкай на заяву прэс-сакратара Службы замежнага дзеяння Еўразвязу.

«Мы сурова асуджаем нядаўняе пакаранне Рыгора Юзэпчука, які быў асуджаны да смяротнага пакарання ў красавіку 2014 года. Гэта ўжо другое пакаранне ў Беларусі ў гэтым годзе. Мы разумеем сур'ёзнасць злачынстваў, за якія ён быў асуджаны. Еўрапейскі Звяз выступае супраць смяротнага пакарання, паколькі яно не можа быць апраўданае ні пры якіх варунках», - гаворыцца ў заяве.

«Смяротнае пакаранне з'яўляецца жорсткім і негуманным пакараннем... Мы заклікаем Беларусь - адзіную краіну ў Еўропе, якая прыводзіць у выкананне смяротныя прысуды, - далучыцца да глабальнага мараторыя на смяротнае пакаранне як першы крок да агульнай яго скасавання», - падкрэсліваецца ў заяве.

45-гадовы ўраджэнец Жытомірскай вобласці Юзэпчук быў расстраляны раней на гэтым тыдні. У яго было сем судзімасцяў, у тым ліку за некалькі забойстваў. Смяротны прысуд быў вынесены за забойства сукамерніка падчас адбывання 25-гадовага пакарання.