Беларусбанк страціў 60% прыбытку

Найбуйнейшы банк Беларусі ў I квартале 2014 года вылучыўся рэзкім скарачэннем велічыні атрыманага прыбытку.

Яго памер да выплаты падаткаў знізіўся на 60% у параўнанні з прыбыткам за I квартал 2013 года і склаў 180,2 млрд. рублёў, піша select.by.

У выніку Беларусбанк апусціўся з першага на пятае месца па велічыні прыбытку да выплаты падаткаў сярод камерцыйных банкаў краіны. Але па актывах ён захаваў абсалютную перавагу. Велічыня актываў Беларусбанка ў I квартале вырасла на 4,2% (з пачатку года), дасягнуўшы 167 трлн. рублёў. Рост апынуўся вышэй, чым у сярэднім па ўсіх камерцыйных банках, актывы якіх за квартал падняліся на 3,3%.

Аднак па тэмпах росту крэдытаў кліентам, які склаў 5,6%, Беларусбанк апярэдзіў банкаўскую сістэму ў цэлым, у якой аб'ём крэдытавання кліентаў вырас на 4,9%.

Павелічэнне актываў Беларусбанка было забяспечана, у асноўным, ростам сродкаў кліентаў (на 6,3% з пачатку года - да 106,7 трлн. рублёў), а таксама ростам аб'ёму размяшчэння каштоўных папер банка (на 9% - да 10,7 трлн. рублёў).

У той жа час, капітал Беларусбанка ў I квартале бягучага года знізіўся на 2% - да 22,3 трлн. рублёў. Відаць, гэта звязана з выплатай банкам дывідэндаў свайму асноўнаму акцыянеру - дзяржаве.