Кампаніі Ахметава заключылі дамову з сепаратыстамі
17- 16.05.2014, 12:33
- 14,481
Кампаніі групы «Метінвест», што ўваходзіць у актывы Рыната Ахметава, падпісалі мемарандум з самаабвешчанай «Данецкай народнай рэспублікай».
У ім замацаваныя ініцыятывы бакоў па забеспячэнню бяспекі ў Марыупалі. Адпаведнае паведамленне распаўсюдзіла прэс-служба групы «Метінвест», якая належыць алігарху Рынату Ахметаву.
У дакуменце прапануецца даручыць кантроль за парадкам у Марыупалі міліцыі і народнай дружыне. Пры гэтым бакі заклікаюць фармаванні, якія з'явіліся ў горадзе на хвалі пратэсту, скласці зброю, а таксама звяртаюцца да кіеўскіх уладаў з просьбай прыбраць блокпосты на пад'ездзе да горада, усталяваныя ўкраінскімі вайскоўцамі.
«Наш прыярытэт - мір у Марыўпалі, спакойнае жыццё горада, забеспячэнне стабільнай працы прамысловых і камунальных прадпрыемстваў», - тлумачаць стваральнікі мемарандума.
«Мемарандум аб парадку і бяспецы» падпісалі генеральныя дырэктары металургічных камбінатаў імя Ільіча і «Азоўсталі», гарадскі галава Марыупаля, начальнік гарадской міліцыі і верхавод сепаратыстаў у Марыупалі.