Менскім беспрацоўным прапануюць выжыць на 11$ у месяц

Сярэдні памер дапамогі па беспрацоўі склаў 112,4 тыс. рублёў.

Пра гэта са спасылкай на камітэт па працы, занятасці і сацыяльнай абароне Менгарвыканкама перадае БелаПАН.

У студзені-красавіку бягучага года па садзейнічанне ў працаўладкаванні звярнулася 6820 чалавек, з іх 4 955 беспрацоўных. На пастаянную ці часовую працу ўладкавана 2 802, у тым ліку 2 148 беспрацоўных атрымалі пастаянную працу.

Акрамя таго, працаўладкаваныя 132 асобы, якія абавязаныя плаціць. Аказаная фінансавая падтрымка 48 беспрацоўным у выглядзе субсідый для арганізацыі прадпрымальніцкай дзейнасці. У грамадскіх работах узялі ўдзел 752 чалавекі, у тым ліку 584 беспрацоўных.

Колькасць заяўленых вакансій на прадпрыемствах горада на 1 траўня 2014 года склала 18 835, у тым ліку для рабочых - 13 256. Па стане на красавік найбольш запатрабаванымі спецыялістамі ў Менску з'яўляюцца кіроўцы аўтамабіляў (579 вакансій), рабочыя па комплекснай уборцы (146), грузчыкі (208), муляры (511), кантралёры-касіры (194), маляры (299), прадаўцы (342), слесары-сантэхнікі (198), слесары-рамонтнікі (274), прыбіральшчыкі памяшканняў (802), швачкі (224), лекары (447), медсёстры (958), інжынеры (580).