«Місіс Беларусь» стала супрацоўніца банка
7- 19.05.2014, 9:26
- 31,537
Учора ноччу, 18 траўня, тэлеканал ОНТ абнародаваў вынікі конкурсу «Місіс Беларусь».
Першай у гісторыі Беларусі «Місіс Беларусь» стала Юлія Перагудава. Нягледзячы на тое, што сам конкурс прайшоў яшчэ 28 красавіка, яго вынікі былі невядомыя аж да ўчорашняй ночы - самую прыгожую замужнюю жанчыну выбіралі метадам глядацкага SMS-галасавання.
Юлія Перагудава атрымала галоўны прыз у выглядзе жамчужнай кароны ручной працы з жэмчугу, крышталяў Swarovski і срэбных нітак - дзяўчына атрымала спецыяльны прыз ад тэлеканала ОНТ. Юлія разам са сваёй сям'ёй адправіцца на папулярны спа-курорт у райскім кутку планеты - Мальдывах.
Юліі 31 год, яна працуе кансультантам у банку. У вольны ад працы час захапляецца стральбой. Паўдзельнічаць у конкурсе вырашыла па патрабаванні мужа. «Місіс Беларусь» стаў першым конкурсам прыгажосці ў біяграфіі дзяўчыны, паведамляе БелТА. Дарэчы, Юлія не лічыла сябе галоўнай прэтэндэнткай на карону.
«Я ганаруся тым, што прадстаўляю два гарады - Віцебск і Гомель. Я ганаруся ўсімі жыхарамі нашай краіны», - сказала пераможца.
Шоў «Місіс Беларусь» адбылося ў Менскім палацы спорту 28 красавіка. Журы абрала тройку фіналістак праекта. Аднак вырашальнае слова было за тэлегледачамі - 18 траўня смс-галасаваннем яны вырашылі лёс самой жаноцкай і яркай замужняй прыгажуні. Дзве фіналісткі - Юлія Красоўская і Таццяна Куранкова - атрымалі грашовае ўзнагароджанне.
Тытула «Місіс сяброўства» ганарваная Юлія Кур'ян - жонка тэлевядучага Дзяніса Кур'яна. Вольга Матузава прызнаная «Місіс фота», а Іна Пусташыла - «Місіс элегантнасць». Сучаснай мамай назвалі Вольгу Жадзееву. Па выніках галасавання гледачоў, якое праходзіла на сайце ОНТ, прыз глядацкіх сімпатый дастаўся Марыне Буяльскай.
Усяго ў конкурсе «Місіс Беларусь» удзельнічала 15 прэтэндэнтак ва ўзросце ад 22 гадоў да 41 года.