З эфіру ў Данецку знікла ўкраінскае радыё
2- 19.05.2014, 10:09
- 4,269
З эфіру ў Данецку па невядомых прычынах рэзка зніклі амаль усе ўкраінскія радыёстанцыі.
Па дадзеных на раніцу панядзелка ўдалося настроіць радыёпрымач толькі на данецкае «Мега-радио», паведамляе мясцовае выданне «Остров».
Пра аналагічную сітуацыю жыхары горада пішуць у сацсетках. Замест астатніх звыклых данецкім радыёслухачам станцый - толькі шыпенне.
Раней узброеныя прыхільнікі самаабвешчанай «Данецкай народнай рэспублікі» захапілі абласную тэлерадыёкампанію і рэтрансляцыйную вышку ў Данецку. У сувязі з гэтым замест абласнога «27 телеканала» вяшчае расейскі канал з уключэннем праграм сепаратыстаў.