Памёр Анатоль Папярэчны

Аўтар песні "Трава у дома" і многіх іншых хітоў Анатоль Папярэчны, памёр ва ўзросце 79 гадоў.

Пра гэта паведамляе РІА "Новости" са спасылкай на Вячаслава Карава, дырэктара саліста гурта "Земляне" Сяргея Скачкова.

"Так, Анатоль Рыгоравіч памёр. Мне паведамілі яго сваякі. Развітанне адбудзецца ў Цэнтральным доме літаратараў 21 траўня, яно пачнецца ў 10:00", - сказаў Караў.

Пахаванне Папярэчнага пройдзе арыентыровачна 21 траўня, паведаміла агенцтву яго жонка. "Ён даўно хварэў. Нечакана стала горш. Сёння павінен быў прыехаць лекар, узяць аналізы. Але ўначы здарыўся прыступ, ён мяне паклікаў: "Света, Света, мне дрэнна..." І вось", - сказала яна.

Па словах жонкі паэта, пахаванне, хутчэй за ўсё, пройдзе 21 траўня - у той жа дзень, што і развітанне ў Цэнтральным доме літаратараў. Могілкі пакуль не вызначаныя.

Анатоль Папярэчны - аўтар 22 зборнікаў паэм і вершаў, сярод іх "Невидимый бой" (1962), "Орбита" (1964), "Ночные поезда" (1965), "Россия, Родина, Любовь" (1968), "Девятый круг" (1968), "Ярость-жизнь" (1973), "Ядро" (1975), "Августовское поле" (1976), "Зеленая калитка" (1981), "Лик" (1982), "Избранные стихотворения и поэмы" (1984), "Трава у дома" (1985), "Дань" (1987), "Ночные переправы" (1988), "И снится нам трава, трава у дома..." (2004).

Выдаў некалькі перакладных кніг (з грузінскай, армянскай, башкірскай і інш), зборнік апавяданняў для дзяцей "Зюйдвестка". Напісаў шэраг п'ес і кінасцэнароў.

У апошнія гады працаваў над паэмай-прыпавесцю "Плач по убиенным".

Паэзія Анатоля Папярэчнага сваёй меладычнасцю прыцягнула ўвагу кампазітараў-песеннікаў. Адной з першых песень на вершы паэта стала кампазіцыя Аляксандра Далуханяна "Рязанские мадонны" (па матывах верша "Солдатка") у выкананні Людмілы Зыкінай. Гэтая песня зрабіла паэта папулярным не толькі ў СССР, але і за мяжой.

Кампазіцыі на вершы Папярэчнага "Соловьиная роща", "Малиновый звон", "Олеся", "Свадебные кони", "Малиновка", "Аист на крыше", "Почему, не ведаю", "Трава у дома", "Золотое сердце", "Завалинка" прызнаныя класікай эстраднай песні.

Фота: 1tv.ru